MANILA, Philippines – Bumagal ang paglago ng ekonomiya ng Pilipinas sa 4.3% sa ikalawang bahagi ng taon, mula sa 6.4% noong first quarter, iniulat ng Philippine Statistics Authority (PSA) nitong Huwebes, Agosto 10.
Sa briefing, sinabi ni National Statistician Dennis Mapa na ang gross domestic product (GDP) growth sa naturang quarter ay mas mababa sa 7.5% expansion na naitala sa second quarter ng 2022.
Ang year-to-date economic growth ay nanatili sa 5.3%.
Sa joint statement na binasa ni National Economic and Development Authority (NEDA) Secretary Arsenio Balisacan kasabay ng briefing, sinabi na ilan sa salik na nakaapekto dito ay ang epekto ng pagtaas sa interest rate, inflation at pagbagal sa government spending.
Ang economic team ng bansa ay binubuo nina
NEDA Secretary Balisacan, Department of Budget and Management (DBM) Secretary Amenah Pangandaman, at Finance Secretary Benjamin Diokno.
“For the second quarter, the moderate economic expansion was driven by increases in tourism-related spending and commercial investments, but was tempered by high commodity prices, the lagged effects of interest rate hikes, the contraction in government spending, and slower global economic growth,” sinabi ng economic team.
Nakapagtala naman ng positibong paglago ang lahat ng major economic sectors kabilang ang agriculture, forestry, fishing, industry, at services sa second quarter sa 0.2 percent, 2.1 percent at 6 percent.
Sa demand side, umabot din ng 5.5% ang paglago sa household final consumption expenditure.
Tumaas din ng 4.1% ang exports of goods and services habang ang imports of goods and services ay bahagyang tumaas ng 0.4 percent.
Samantala, ang final consumption expenditure at gross capital formation ay tumaas din ng 7.1% at 0.04%.
“While government expenditure contracted by 7.1 percent in the absence of election-related spending in the first half of the year, government spending will accelerate in the coming quarters to allow us to recover our growth momentum,” pagtatapos ng economic team. RNT/JGC
