MANILA, Philippines – Malugod na tinanggap ng gobyerno ng Pilipinas ang kamakailan lamang na panawagan ng Organization of Islamic Cooperation (OIC) para sa Muslim states at organisasyon na dagdagan ang kanilang suporta para sa Bangsamoro Autonomous Region in Muslim Mindanao (BARMM).
Sa isang kalatas, sinabi ng Office of the Presidential Adviser on Peace, Reconciliation and Unity (Opapru) na ang panawagan ng OIC, nakapaloob sa isang resolusyon ng Council of Foreign Ministers (CFM) noong nakaraang buwan, “is both timely and relevant considering the peace, security, and development challenges the BARMM is currently facing and in light of the first BARMM regional parliamentary election scheduled on October 13, 2025.”
“This resolution is a testament of the OIC’s unwavering support for the Bangsamoro peace process over the years, particularly its desire to help build on and sustain the gains of peace in the region by promoting genuine dialogue and mutual understanding between the Government and the Philippines, leading Moro groups, and other key stakeholders,” ayon sa Opapru.
Nakapaloob din sa resolusyon ng CFM ang pagbibigay-pugay kay Pangulong Ferdinand Marcos Jr. “for his strong commitments to push for unity, inclusivity, socioeconomic development, and interventions to promote peace and development in the BARMM area.”
Kinilala rin nito ang papel na ginampanan ni Moro Islamic Liberation Front chief Ahod “Al Haj Murad” Ebrahim na pamunuan ang BARMM bilang first Chief Minister, at malugod na tinanggap ang appointment ni Abdulraof Macacua bilang kanyang ‘successor.’
Sa kabilang dako, sinabi ng Opapru na ang OIC ang naging kasangkapan para matintahan ang 1976 Tripoli Agreement of Peace sa pagitan ng gobyerno ng Pilipinas at Moro National Liberation Front, at maging ng 1996 government-MNLF Final Peace Agreement na nagbigay-daan para malagdaan naman ang iba pang pangunahing mga kasunduang pangkapayapaan.
Samantala, ang administrasyong Marcos ayon sa Opapru ay, “fully determined to advance the Bangsamoro peace process.” /Kris Jose
