MANILA, PHILIPPINES — Nanawagan ang Apostolic Nunciature to the Philippines sa mga mananampalatayang Pilipino na magdasal para sa College of Cardinals na magsisimula ng proseso ng pagpili ng susunod na Pope na papalit kay Pope Francis. Ang proseso ay magsisimula sa susunod na linggo, sa May 7, na itatakda ang conclave.
Ayon kay Papal Nuncio to the Philippines, Archbishop Charles Brown, mahalaga ang panalangin ng bawat isa para sa conclave upang magbigay galang at magpasalamat sa Diyos para sa regalong ibinigay ni Pope Francis, pati na rin manalangin para sa mga cardinal na magdadala ng isang mahalagang responsibilidad sa pagkilala ng bagong Papa.
Bago magsimula ang conclave, sinabi ni Brown na ang mga cardinal ay dadalo sa serye ng mga pagpupulong sa Vatican bilang bahagi ng proseso ng pagpili.
Isa sa mga Filipino cardinals, Cardinal Luis Tagle, ang kabilang sa mga cardinals na tutulong kay Cardinal Kevin Farrell, ang camerlengo, sa paghahanda para sa pagtatakda ng conclave. Ang camerlengo ang itinuturing na “ingatan-yaman” ng Holy See at siya rin ang nangangasiwa sa operasyon ng Vatican kapag wala ang Papa.
Sa ulat mula sa CBCP, nabanggit na ang komposisyon ng Particular Congregation, isang grupo ng mga cardinals na may espesyal na papel sa pre-conclave na pagpupulong, ay na-renew sa ikalimang pre-conclave meeting o General Congregation ng mga cardinals. Ang mga miyembro ng Particular Congregation ay pinalitan ng General Congregation tuwing tatlong taon. Jocelyn Tabangcura-Domenden
