MANILA, Philippines- Binigyan ng Commission on Elections Second Division ang abogadong si Christian “Ian” Sia, kumakandidato para sa nag-iisang Pasig district representative post sa Eleksyon 2025, ng limang araw upang tumugon sa petisyong humihirit na idiskwalipika siya sa May 2025 polls dahil sa kanyang pahayag tungkol sa single mothers.
“Pursuant to Comelec Resolution No. 11046,1 in relation to Comelec Resolution No. 106732 and pertinent rules of the Commission, respondent is hereby directed to file a verified answer cum memorandum to the Petition for disqualification (with Motion for Suspension of Proclamation Ad Cautelam) dated 16 April 2025, within a non-extendible period of five days from receipt hereof, copy furnished petitioner and with proof of receipt,” saad sa summons na may petsang April 21.
Ang apat na pahinang summons ay ipinalabas ilang araw matapos maghain ng Comelec Task Force SAFE ng disqualification petition laban kay Sia for dahil sa umano’y paglabag sa anti-discrimination rules ng poll body.
Base sa poll body division, posibleng personal na maghain si Sia ng kanyang tugon sa Clerk of the Commission o sa pamamagitan ng e-mail. Subalit, ang pagpalyang makapagsumite ng tugon sa loob ng reglementary period, “shall bar the respondent from submitting controverting evidence”.
“A motion to dismiss, reply, rejoinder, and similar pleadings are prohibited. Nonetheless, the grounds for a motion to dismiss may be used as affirmative defenses,” dagdag nito.
Matatandaang nag-isyu ang Comelec ng dalawang SCOs laban kay Sia dahil sa kanyang pahayag na ang mga single mother na may buwanang daloy pa ay maaaring makipagsiping sa kanya isang beses kada taon, at umano’y “misogynistic remarks” laban sa isa sa kanyang babaeng staff members sa isang campaign sortie.
Nagpalabas din ang Supreme Court ng show cause order noong nakaraang buwan laban kay Sia sa gitna ng reklamo ukol sa kanyang pahayag sa pakikipagsiping sa mga single mother.
Humingi na ng paumanhin si Sia at iginiit na ang kanyang “speech, in its entirety, falls within my freedom of speech.” RNT/SA
