MANILA, Philippines – Itinalaga ni Pangulong Ferdinand R. Marcos Jr. si Paul Mercado, Undersecretary for Special Concerns ng DICT, bilang officer-in-charge ng ahensya matapos ang pagbibitiw ni Secretary Ivan Uy noong nakaraang linggo.
Wala pang pahayag ang Malacañang ukol sa dahilan ng pagbibitiw ni Uy.
Dati nang nagsilbi si Mercado bilang direktor sa Office of the Speaker ng House of Representatives at pinangunahan ang delegasyon ng Pilipinas sa ASEAN Digital Senior Officials’ Meeting sa Bangkok noong Enero. RNT
