MANILA, Philippines- Nakiisa si Pangulong Ferdinand “Bongbong” Marcos Jr. sa iba pang opisyal sa pagluluksa sa pagkamatay ni Negros Oriental Governor Carlo Jorge Joan “Guido” Reyes, na aniya’y matapat na nagsilbi sa taumbayan.
Inihayag ni Marcos ang kanyang pakikidalamhati sa pagpanaw ni Reyes sa isang Twitter post nitong Huwebes.
Inihayag ng Chief Executive na siya ay “deeply saddened” sa pagkamatay ni Reyes, na humalili sa pinaslang na si Gov. Roel Degamo noong Marso.
“We extend our heartfelt condolences to his family, friends, and the people of the province he served so faithfully. May his legacy continue to inspire and his memory be cherished,” pahayag niya.
Si Reyes ang ikalawang gobernador na namatay ngayong taon, sanhi ng terminal illness nitong Miyerkules sa edad na 62.
Si Negros Oriental Vice Gov. Manuel Sagarbarria naman ang pumalit sa pwesto ni Reyes, ilang oras matapos pumanaw ang huli. RNT/SA
