MANILA, Philippines – HINIKAYAT ng itinuturing na ‘biggest business group’ ng bansa si Pangulong Ferdinand Marcos Jr. na isertipika bilang ‘urgent’ ang apat na priority governance reform bills na para sa grupo ay makatutulong na pigilan ang korapsyon, palakasin ang mga institusyon at palakasin ang investor confidence.
Sa isang kalatas, sinabi ng Philippine Chamber of Commerce and Industry (PCCI) na ang bagong inihayag na mga prayoridad ay ang Anti-Political Dynasty Bill, Partylist System Reform Act, Citizens Access and Disclosure of Expenditures for National Accountability (CADENA) Act, at Independent People’s Commission Act (IPCA) — nakahanay kasama ang long-standing private-sector calls para sa ‘transparency at mas predictable na regulatory environment.’
Suportado naman ng PCCI ang panukalang CADENA Act, hangad ang ‘full public disclosure’ ng government spending.
“Enhanced visibility on how public funds are allocated and spent, particularly for infrastructure and procurement, reduces corruption risks, ensures fair competition, and promotes efficient use of taxpayer resources,” ang sinabi ni PCCI President Consul Enunina Mangio.
Sa oras aniya na pinagtibay na ang batas at naipatuapd, ang CADENA Act ay maaaring maging isa sa “most impactful anti-corruption and pro-investment measures” sa mga nakaraang taon.
Gayundin, inendorso ng grupo ang IPCA, sabay sabing “independent oversight and citizen participation are essential to a stable business climate. Greater predictability and accountability would support long-term economic planning.”
“These bills are more than governance reforms—they are confidence-building measures that signal our country’s commitment to integrity and accountability. Certifying them as urgent will help accelerate their passage and send a strong message to investors that the Philippines is serious about creating a clean, fair, and competitive business environment,” ang sinabi pa rin ni Mangio.
Sinabi ng PCCI na ang apat na batas, na pinagsama-sama, humubog ng mahalagang reform package na maaaring makapagpalakas sa public institutions at mapahusay ang investment climate ng bansa. Sinabi ng grupo na handa na ito na makatrabaho ang gobyerno para isulong ang panukalang batas. Kris Jose
