MANILA, Philippines- Pangungunahan ng Philippine Air Force (PAF) at ng United States Air Force (USAF) ang biennial exercise na tinaguriang Pacific Airlift Rally 2023, na nakatakda mula August 14 hanggang18.
Sinabi ng PAF na mula ang mga kalahok sa Pilipinas, United States, Japan, Indonesia, Malaysia, Bangladesh, Brunei, Canada, Maldives, Mongolia, Nepal, Singapore, Sri Lanka, at Timor-Leste.
Magsasagawa ng iba’t ibang aktibidad sa Clark Air Base sa Mabalacat, Pampanga, Colonel Jesus Villamor Air Base sa Pasay City, at Brigadier General Benito Ebuen Air Base sa Lapu-Lapu City, Cebu.
Sasaklawin nito ang airborne training exercises, airlift operations, logistical planning table-top exercises, at subject matter expert exchanges na tututok sa humanitarian assistance and disaster relief (HADR) operations.
Magsasanay din ang mga kalahok sa mission planning, cargo handling and loading, multinational air-land and airdrop operations, maging medical transport operations,
Magpapartisipa ang PAF C-130 Hercules sa pagsasanay na may C130s mula sa USAF, Japan Air Self-Defense Force, Royal Malaysian Air Force, at Indonesian Air Force para sa flight training.
Sasanayin nila ang airlift techniques na makatutulong sa humanitarian assistance and disaster relief operations sa hinaharap, ayon sa PAF.
Saklaw din ng drills ang HADR airlift operations at logistical planning para sa aircraft deployment staging, cargo and movement mission planning, at multinational airlift capability analysis para sa airlift mission schedule prioritization.
“The Indo-Asia-Pacific region is home to 60 percent of the world’s population in 45 nations spread across 53 percent of the Earth’s surface, and the majority of the world’s natural disasters occur in this area,” anang PAF.
“Experience has demonstrated that to effectively provide support to civilian disaster response agencies, it is extremely important that nations cooperate and improve joint capabilities,” dagdag nito. RNT/SA
