MANILA, Philippines- Nakatutulong ang multilateral maritime cooperative activity (MMCA) ng Pilipinas sa mga kaalyadong bansa tulad ng Canada at ng United States sa pagpapaigting ng regional security, ayon sa Armed Forces of the Philippines (AFP) nitong Huwebes.
“This activity underscores the AFP’s commitment to enhancing regional stability and maritime security. These strategic partnerships strengthen our interoperability and foster a collective security in the Indo-Pacific Region,” pahayag ni AFP chief Gen. Romeo Brawner Jr.
Kasaunod ito ng matagumpay na MMCA nitong Miyerkules sa pagitan ng naval ay air units ng tatlong bansa sa Philippines exclusive economic zone.
Idineploy ng AFP ang BRP Andres Bonifacio (PS-17), Beechcraft King Air C-90 patrol aircraft at Philippine Air Force search-and-rescue assets para sa pagsasanay.
“Partner nations also contributed, with Canada deploying the HMCS Ottawa (FFH-341), while the United States was involved in the planning and pre-sail conference, as well as monitoring the activity,” ani AFP public affairs office chief Col. Xerxes Trinidad.
Tampok sa ika-pitong MMCA ang serye ng operational exercises na nakatutok sa pagpapahusay ng koordinasyon at interoperability sa pagitan ng Pilipinas at Canada.
Kabilang sa mga pagsasanay na ito ang communication check exercises (COMMEX), division tactics (DIVTACS), photo exercise (PHOTOEX), at expandable mobile anti-submarine training target exercise (EMATTEX).
“It also reinforces the bonds between partner nations dedicated to mutual prosperity and the maintenance of a rules-based international order, as outlined in the United Nations Convention on the Law of the Sea,” giit ni Trinidad. RNT/SA
