MANILA, Philippines – Magpapakalat ang Philippine National Police (PNP) ng mga pulis sa pagpapanatili ng seguridad sa rollout ng pamamahagi ng P5,000 cash aid sa public utility vehicle (PUV) drivers simula sa Martes, Marso 17.
“Our officers are trained to ensure the process is orderly and that every beneficiary is protected,” saad sa pahayag ni PNP Chief Gen. Jose Melencio Nartatez Jr. nitong Huwebes, Marso 12.
“To ensure smooth operations, P/Gen. Nartatez tasked the heads of local police offices to properly deploy their personnel at the cash distribution venues.”
Hindi na nagbigay pa ang ahensya ng eksaktong bilang ng mga pulis na itatalaga sa pamamahagi ng ayuda.
Ang cash aid ay inanunsyo ni Executive Secretary Ralph Recto, Transportation Secretary Giovanni Lopez at Social Welfare and Development Secretary Rex Gatchalian nitong Miyerkules.
Sisimulan sa National Capital Region ang unang bugso ng distribusyon sa mga tricycle driver.
Sinabi ni Metro Manila Council President at San Juan City Mayor Francis Zamora na hawak na ng mga lokal na pamahalaan ang listahan ng rehistradong tricycle drivers na ituturn-over sa DSWD para sa rollout.
Susunod naman na isasagawa ang pamamahagi ng mga ayuda sa iba pang drayber maging sa mga nasa probinsya. RNT/JGC
