MANILA, Philippines – Walang nakapasa sa Certified Plant Mechanics Special Professional Licensure Examination na isinagawa ngayong June 2025, ayon sa anunsyo ng Professional Regulation Commission (PRC).
Isinagawa ang pagsusulit ng Board of Mechanical Engineering sa Abu Dhabi and Dubai, United Arab Emirates; Al-Khobar, Jeddah and Riyadh, Kingdom of Saudi Arabia; Doha, Qatar; Manama, Bahrain; Salmiya, Kuwait; Singapore; at Taipei, Taiwan.
Habang 20 sa 74 ang pumasa sa Mechanical Engineer Special Professional Licensure Examination.
Ibinigay ng mga miyembro ng Board of Mechanical Engineering Licensure Examination nina Engr. Rodulfo L. Tablante, Chairman; Engr. Manuel L. Paulino and Engr. Ramon F. Solis, Members.
Ang mga magpaparehistro ay kinakailangang magdala ng mga sumusunod: downloaded duly accomplished Oath Form o Panunumpa ng Propesyonal, notice of admission (for identification only), 2 piraso passport sized pictures (colored with white background at complete name tag), 2 sets ng documentary stamps at 1 piece short brown envelope.
Ang mga matagumpay na examinees ay dapat na personal na magparehistro at pumirma sa Roster of Registered Professionals. Jocelyn Tabangcura-Domenden
