MANILA, Philippines – Inaasahang tataas ang presyo ng diesel ng ₱20 hanggang ₱22 kada litro simula sa susunod na linggo, habang gasolina at kerosene ay tataas din ng ₱14–₱16 at ₱7–₱9 kada litro, ayon sa fuel industry projections. Maaaring umabot ang diesel sa ₱100 kada litro at gasolina sa higit ₱90.
Magkakaloob ang gobyerno ng fuel assistance simula Martes sa mga tricycle drivers, kung saan 360,000 transport operators ang makatatanggap ng ₱5,000 fuel subsidy.
Panghihikayat ng ilang mambabatas ang pansamantalang suspindihin ang excise taxes sa petroleum products.
Ayon kay Rep. Terry Ridon: “So as big as P10 per liter ‘yung pong puwedeng ma-shave off sa presyo ng produktong petrolyo pagka po nasuspendi na ‘yung excise taxes. So malaking bagay po ito and hopefully within the next two weeks ay makapag-benepisyo na po at makinabang ang ating mga kababayan dito po sa intervention po ito.”
Suportado rin ng Automobile Association of the Philippines ang pagbawas ng presyo ng petrolyo at iminungkahi ang pagtanggal ng excise taxes para sa mas agarang epekto. Iminungkahi rin ang pagpapalawak ng work-from-home arrangements sa mga empleyado ng gobyerno upang mabawasan ang trapiko at konsumo sa gasolina.
Ayon sa MMDA, bahagyang bumaba ang bilang ng mga sasakyan sa pangunahing kalsada sa Metro Manila sa unang araw ng four-day workweek sa gobyerno, ngunit magsasagawa pa sila ng masusing pag-aaral simula Lunes.
Pinapayuhan ng Department of Energy ang publiko na i-report ang gas stations na sobra ang singil, habang inabisuhan ng Department of Trade and Industry ang mga retailers na nagmamanipula ng presyo o nag-iimbak ng mahahalagang bilihin. RNT/MND
