MANILA, Philippines – Inanunsyo ng Commission on Elections (Comelec) nitong Sabado, Hulyo 12, na ang pag-imprenta ng field test ballots para sa 2025 Bangsamoro Autonomous Region in Muslim Mindanao (BARMM) Parliamentary Elections ay magsisimula bukas, Hulyo 14, sa National Printing Office (NPO) Facility, NIA North Road, Diliman, Quezon City.
Sa pahayag, sinabi ng Comelec na ang printing ng 160 field test ballots ay sisimulan matapos ang pirmahan ng memorandum of agreement (MOA) para sa probisyon ng printing services na may kaugnayan sa BARMM elections.
Ang MOA signing ay itinakda alas-2 ng hapon ng Lunes sa Chairman’s Hall sa Palacio del Gobernador sa Intramuros, Manila.
Ayon sa Comelec, ang printing ng 160 balota ay gagamitin “exclusively for use in the upcoming Field Test in July 2025 to be conducted within BARMM.”
“These field test ballots will not reflect the names of actual candidates and political parties in the 2025 BARMM Parliamentary Elections, as these will be used solely for simulation and testing purposes,” ayon pa sa Comelec.
Iginiit ng Comelec na layon ng field test “to ensure the accuracy, integrity, and readiness of the electoral rules, procedures, and automated election systems to be deployed in BARMM.”
Ang field test ay bahagi ng preparatory activities ng Comelec para sa BARMM Parliamentary Elections, na itinakda sa Oktubre 13, 2025. RNT/JGC
