PUV stops para sa mga commuter, inilunsad sa Malabon

Malabon City, Philippines — Pinangunahan ng Pamahalaang Lungsod ng Malabon at ng Department of Transportation (DOTr) ang ceremonial ribbon-cutting ng bagong Public Utility Vehicle (PUV) Stops na matatagpuan sa Malabon National High School sa Brgy. Hulong Duhat.

Layunin ng proyektong ito na magbigay ng mas ligtas, mas maginhawa, at accessible na waiting area para sa mga commuter — lalo na ang mga taong may kapansanan, senior citizen, at mga buntis.

Dumalo sa naturang seremonya sina:

Ms. Maureen Ava Mata, Co-Convener for Inclusion and Accessibility ng Move as One Coalition

Mayor Jeannie Sandoval, Lungsod ng Malabon

Atty. Mark Steven C. Pastor, DOTr Undersecretary for Road Transportation and Infrastructure

Engineer Montrexis Tamayo, Assistant Regional Director ng Department of Public Works and Highways

Atty. Jocelyn V. Tataro, kinatawan ng Land Transportation Franchising and Regulatory Board (LTFRB)

Ang inisyatibong ito ay bahagi ng mas malawak na layunin ng pamahalaan na paigtingin ang inclusive at people-centered public transportation sa bansa.

— JOJO RABULAN