MANILA, Philippines – Sinabi ni Justice Secretary Jesus Crispin Remulla na hindi siya magtatalaga ng sinuman na magiging officer-in-charge (OIC) ng National BUreau of Investigation (NBI) kasunod ng pagbibitiw ni Director Jaime Santiago.
Ito ay matapos linawin ni Santiago na mananatili siya sa opisina habang naggihintay ng kanyang kapalit.
Sa kanyang irrevocable resignation letter, sinabi ni Santiago na may “detractors and those who have sinister interests” sa kanyang posisyon na walang humpay na gumawa ng mga hakbang para siraan ang kanyang reputasyon.
Ayon kay Remulla, sandali niyang nakausap si Santiago noong nakaraang linggo at kakausapin niya muli ito tungkol sa kanyang pabibitiw.
Samantala, nilinaw ng kalihim na hindi nakatanggap ng pagbabanta si Santiago na maaaring dahilan ng kanyang desisyon. Jocelyn Tabangcura-Domenden
