MANILA, Philippines – Pinaniniwalaang nahulog ang isang motorcycle rider sa 100-talampakang bangin sa Sitio Santol, Barangay Campo Cuatro, Talisay City, Cebu nitong Biyernes, Nobyembre 1.
Ayon sa City of Talisay Traffic Operations and Development Authority, nakilala ang biktima na si Benjie Acruz, 23-anyos at residente ng Barangay Kalunasan, Cebu City mula sa nakitang lisensya nito.
Nakita ng ilang kabataan ang katawan ng biktima at agad na iniulat ito sa mga opisyal ng barangay alas-4 ng madaling araw.
Agad namang rumesponde ang Local Disaster Risk Reduction and Management Office sa insidente kung saan natagpuan nga ang labi ni Acruz malapit sa gilid ng ilog. RNT/JGC
