MANILA, Philippines – Sinabi ng Department of Agriculture (DA) nitong Lunes, Hulyo 15 na target nitong iroll-out ang bakuna laban sa African swine fever (ASF) sa Setyembre ngunit lilimitahan lamang ng pamahalaan ang paggamit ito sa loob ng anim na buwan.
Kamakailan ay inaprubahan ng Food and Drug Administration ang paggamit ng ASF vaccine mula sa Vietnam.
“DA has to bid it out kasi yung bureaucracy ‘yung kalaban ko dito. Sana by September ma-roll out na at ma-vaccinate yung mga growers ng ating mga backyard,” pagbabahagi ni Agriculture Secretary Francisco Tiu Laurel.
“But for government use pa lang ito kasi basically mino-monitor for 6 months ng government use then after that hopefully kung pumasa na lahat at okay na lahat for commercial use na,” dagdag pa niya.
Nauna nang nagpahayag ng kumpiyansa ang DA chief tungkol sa efficacy ng ASF vaccines.
“The vaccine from Vietnam really works. So, that solves our problem,” ani Laurel.
Noong Marso, sinabi ng DA na ang hog mortality rate sa Pilipinas dahil sa ASF ay nasa halos 100%.
Dahil dito ay naapektuhan ang suplay ng karneng baboy sa Pilipinas. RNT/JGC
