MANILA, Philippines- Nilagdaan ng Pilipinas at United Arab Emirates (UAE) ang bilateral security agreement para itaas ang kanilang partnership sa law enforcement at public safety.
Sinabi ng Departmento of Interior and Local Government (DILG) na ito ang una sa uri nito sa pagitan ng dalawang bansa, ang kasunduan ay naglalayon na palakasin ang pagsisikap ng mga nasabing bansa laban sa transnational crimes at i-institutionalize ang pagpapalitan ng “best practices at expertise” sa law enforcement at public safety operations.
Si Interior Secretary Jonvic Remulla ang pumirma sa ngalan ng gobyerno ng Pilipinas, kasama ang Kanyang Kamahalan Sheikh Saif bin Zayed Al-Nahyan, Deputy Prime Minister at Minister of the Interior, tumayong kinatawan ng UAE, sa isinagawang high-level meeting sa Abu Dhabi noong nakaraang linggo.
Winika ng DILG na ang kasunduan “reflects a broader commitment to promote peace, stability, and sustainable development, anchored on the principles of sovereignty, non-interference, and equality among states under international law.”
“In the same meeting, officials explored opportunities for collaboration in digital technologies, urban governance, and other sectors of mutual interest,” ang sinabi ng departamento.
Sa kabilang dako, pinasalamatan naman ni Remulla ang UAE para sa pagbibigay ng pardon sa 115 Filipino sa panahon ng Holy Month of Ramadan, isang pagkilos na para sa departamento ay nagbibigay-diin sa “enduring friendship” sa pagitan ng dalawang bansa.
Kasama ni Remulla sina Assistant Secretary for International Affairs Lilian de Leon, Executive Assistant Haydee Sy, at iba pang miyembro ng Philippine delegation.
Samantala ang UAE ay kinakatawan nina Major General Khalifa Hareb Al Khaili, Undersecretary of the Ministry of Interior; Major General Sheikh Mohammed bin Tahnoon Al Nahyan, Director-General of the Abu Dhabi Police; at Brigadier Saeed Abdullah Al Suwaidi, Director-General of the Federal Anti-Narcotics Department. Kris Jose
