MANILA, Philippines – Nakakuha ng kakampi ang mga tagapagtaguyod ng panukala na bawasan ang bilang ng mga holiday sa bansa sa Department of Labor and Employment (DOLE) kung saan sinasabing makakaapekto sa produktibidad ang masyadong maraming holiday break at sa pangkalahatang kalusugan at paglago ng isang ekonomiya.
Sa isang panayam sa telebisyon, sinabi ni DOLE Secretary Bienvenido E. Laguesma na ang balanseng iskedyul ng holiday ay mahalaga para sa pagpapanatili ng produktibidad ng mga manggagawa at pagiging mapagkumpitensya sa industriya.
“An excess of holidays, including both national and local observances, can influence investor decisions,” sabi ni Laguesma.
Sinabi ni Laguesma na bukas sila sa mga konsultasyon kapag ipinakita ang isang pormal na panukala at pag-aaral.
Ayon pa kay Laguesma, kabilang rito ang palikipag-ugnayan sa mga sektor na maaaring maapektuhan ng mga pagbabago sa pambatasan.
Ang pahayag ni Laguesma ay matapos sabihin ni Senate President Franchis “Chiz” Escudero nannapagpasyahan ng Senado na limitahan ang pag-apruba ng mga local holiday bills dahil nais ng mga mambabatas na maging mas mapagkumpitensya ang bansa.
Samantala, nagpahayag ng pahtutol ang Magkaisa Labor Coalition sa mungkahi na bawasan ang holiday.
Giit ni Nagkaisa chairperson Sonny Matula na dapat pagtuunan ng mga mambabatas ang mga isyu sa mga manggagawa kaysa pagbabawas ng holiday breaks.
“Lawmakers should address critical concerns such as severe traffic issues, the P150 national wage increase, wage discrimination, and contractualization,” sabi ni Matula.
Taliwas sa argumento na napakaraming holiday ang humahadlang sa pagiging mapagkumpitensya, sinabi ni Matula na sila na ang tamang panahon ng pahinga ay maaaring aktwal na mapalakas ang produktibo sa pamamagitan ng pagpayag sa mga manggagawa na magpahinga at gumugol ng kalidad ng oras sa kanilang mga pamilya. (Jocelyn Tabangcura-Domenden)
