MAGUINDANAO DEL SUR, Philippines – Isang sundalo ang napatay at isa ang bahagyang nasugatan sa engkwentro laban sa Dawlah Islamiya-Hassan Group sa bundok ng Datu Hoffer Ampatuan, Maguindanao del Sur noong Martes, ayon sa Army 6th Infantry Division.
Apektado rin ang 85 pamilya (humigit-kumulang 425 katao) na lumikas sa mas ligtas na lugar, sa Barangay Tuayan Mother covered court, at binigyan ng emergency food.
Ayon kay Maj. Gen. Jose Vladimir Cagara, inilunsad ang decisive military operations matapos ma-alerto ng mga sibilyan tungkol sa presensya ng DI-Hassan group.
“There’s no letup in our combat operations against the remnants of DI-Hassan Group until this group is totally eradicated,” aniya.
Patuloy na inaalagaan ang sugatang soldier, at tiniyak ng Army na malayo sa komunidad ng sibilyan ang lugar ng labanan. RNT/MND
