MANILA, Philippines – Inihayag ni Senate President Sherwin Gatchalian na target ng impeachment court na makapaglabas ng hatol sa kaso ni Vice President Sara Duterte sa pagitan ng kalagitnaan hanggang katapusan ng Nobyembre.
“Maybe mid-November to end-November. Hopefully, hopefully,” sabi ni Gatchalian sa panayam sa dzBB nitong Linggo.
Nang tanungin kung ibig niyang sabihin ay matatapos na ang paglilitis at maibibigay na ang verdict sa panahong iyon, sumagot siya: “I think so.”
Nauna nang sinabi ng Senate leader na inaasahan nilang matatapos ang impeachment proceedings bago mag-Pasko.
Pero ayon sa kanya, dahil sa mga pagbabago sa schedule, posibleng mas mapadali ito.
“After this week, hopefully, this week to next week, the [prosecution’s presentation of evidence for] Article 2 or unexplained wealth, will end. Then we’ll go to Article 4 or bribery. After that it’s the defense’s turn,” paliwanag niya.
“So, hopefully, during the defense, the trial will run more efficiently because [everyone involved in the trial] already got the hang of it. So, between 30 to 45 days,” dagdag niya, base sa kanyang personal na tantya.
Gayunpaman, sinabi ni Gatchalian na “I can be wrong,” dahil nagbabago ang iskedyul ng mga pagdinig depende sa nagiging takbo ng paglilitis.
Sinabi rin niya na sinisikap ng Senado na balansehin ang impeachment proceedings at ang kanilang regular na trabaho bilang mambabatas.
Noong nakaraang linggo, humiling ang depensa na iurong sa Lunes ang pagharap ng testigo mula sa Anti-Money Laundering Council, kaya pansamantalang sinuspinde ang pagdinig.
“It depends on the witnesses to be presented. Like on the issue of confidential funds, there were witnesses removed. Same with article on unexplained wealth, the number of witnesses was also reduced. So, it depends,” aniya.
Muli niyang iginiit na nais niyang matapos ang trial at maibigay ang hatol bago mag-Pasko.
“That’s what we want to happen,” sabi ni Gatchalian.
Nauna nang sinabi ni Senate impeachment court spokesperson Reginald Tongol na inaasahang aabot sa December 16 ang paglabas ng hatol sa kaso ni Duterte.
Pero tinutulan ito ni Sen. Francis Pangilinan at sinabing wala pa silang napag-uusapang ganoong timeline. Ernie Reyes
