MANILA, Philippines – Napanatili ng Tropical Depression Luis ang lakas nito habang hindi gumagalaw o nananatiling stationary sa silangan ng Aurora ngayong Lunes ng umaga, Agosto 3, 2026.
Ayon sa PAGASA, huling namataan ang sentro ng Tropical Depression Luis sa layong 130 kilometro silangan timog-silangan ng Casiguran, Aurora.
Taglay nito ang lakas ng hangin na 55 kilometro kada oras malapit sa gitna at pagbugso na hanggang 70 kilometro kada oras.
Kasabay nito ay itinaas naman ang Tropical Cyclone Wind Signal No. 1 sa mga sumusunod na lugar:
Central at eastern portions ng Cagayan (Enrile, Tuguegarao City, Peñablanca, Piat, Santo Niño, Camalaniugan, Tuao, Lal-Lo, Gonzaga, Alcala, Amulung, Santa Teresita, Baggao, Buguey, Solana, Rizal, Santa Ana, Gattaran, Iguig, Lasam, Aparri, Ballesteros, Abulug, Allacapan, Pamplona),
Isabela,
Quirino,
Eastern at southern portions ng Apayao (Flora, Santa Marcela, Conner, Pudtol, Luna),
Eastern portion ng Kalinga (City of Tabuk, Tanudan, Pinukpuk, Rizal),
Eastern portion ng Mountain Province (Paracelis, Natonin),
Eastern portion ng Ifugao (Aguinaldo, Alfonso Lista),
Northern portion ng Aurora (Dinalungan, Casiguran, Dilasag, Dipaculao, Baler),
Polillo Islands,
at northern portion ng Camarines Norte (Daet, Talisay, Paracale, Jose Panganiban, Capalonga, Vinzons). RNT/JGC
