MANILA, Philippines – Papayagang mag-operate ang unconsolidated jeepneys at UV Express units sa mahigit 2,500 ruta na may mababang bilang ng consolidations, sinabi ng Land Transportation Franchising and Regulatory Board (LTFRB) nitong Lunes, Hulyo 15.
Ayon sa LTFRB Board Resolution No. 53 Series of 2024, hindi na kailangang maghain ang unconsolidated public utility vehicles para sa consolidation ngunit ito ay subject for approval pa rin ng Local Public Transport Route Plan (LPTRP) o Route Rationalization Plan (RRP).
“[T]o ensure the supply of public transportation in low [number of authorized units] routes, the Board hereby RESOLVES to allow individual operators of PUJ and UVE on low NAU routes to operate on their existing routes without the need for filing an Application for Consolidation but subject to the eventual approval of the LPIRP and RRP,” saad sa resolusyon na may petsang Abril 30.
Idinagdag pa sa resolusyon na binibigyan ng authority to operate ang PUJ at UV sa low consolidation routes “provided that their units are currently registered with the LTFRB and have a valid personal passenger accident insurance coverage.”
Ang mga sumusunod ay bilang ng mga ruta na may mababang bilang ng consolidations kung saan papayagang mag-operate ang unconsolidated jeepneys at UV Express units:
Sinabi naman ng transport group na PISTON na ang desisyong ito ng LTFRB ay tagumpay para sa transport workers.
“Our strikes and protests have forced the LTFRB and the Marcos Jr regime to concede,” pahayag ng PISTON.
“This is a clear victory for Filipino transport workers who are being trampled on by greedy corporations salivating to take over our public transport system.”
Matapos ang April 30 deadline sa ilalim ng PUV Modernization Program (PUVMP) ng pamahalaan ay nasa kabuuang 36,217 public utility vehicles (PUVs) at 2,445 ruta ang nananatiling unconsolidated. RNT/JGC
