MANILA, Philippines – SINABI ni Pangulong Ferdinand R. Marcos Jr., araw ng Biyernes, Disyembre 12 na ang Banago Port Improvement Project ay magsisilbi bilang isang modelo sa mga terminal at daungan ng bansa upang masiguro ang mas episyente at modernong serbisyo para sa mga pasahero at kargamento.
Matapos inspeksyunin ang upgraded Banago Port, sinabi ni Pangulong Marcos na ang bagong Port Operations Building (POB) ay maaaring mag-accommodate ng hanggang 500 pasahero, isang mahalagang pagtaas mula sa nakalipas na kapasidad na 50.
“This is now going to be the standard design for our terminals, for our ports around the country,” ang sinabi ni Pangulong Marcos.
“And the reason it’s important to have a standard design so that ang tao, ang pasahero, kahit saan sumasakay, saan bumababa, alam nila kung saan bibili ng ticket, saan maghihintay, saan papasok, saan sila dadaan. All of that,” dagdag na wika nito.
Tinuran ng Pangulo na ang modernization project ay lumikha ng malaking pagkakaiba, dahil ang daungan ngayon ay malinis at well-maintained, ang karanasan sa paglalakbay para sa mga pinoy ay magiging “a little more pleasant.”
Sa kabilang dako, kasama ng Pangulo ang mga pinakamahahalagang opisyal mula Department of Transportation at Philippine Ports Authority, pinangunahan ang unveiling o paglalantad ng ceremonial marker para sa bagong POB.
Tinutugunan ng upgrade ang pagtaas ng demand para sa ligtas, episyente at future-ready port operations sa Bacolod City.
Tampok sa bagong pasilidad ang modern operations center, pinahihintulutan ang umiiral na terminal na eksklusibong maglingkod sa mga pasahero.
Ang iba pang improvements ay kinabibilangan ng pagpapalawak sa causeway upang mapahusay ang road access, i-enhance ang vehicular flow, at paglalagay ng covered walkway para protektahan ang mga pasahero mula sa masungit na panahon.
“The modernization of Banago Port is expected to spur economic growth of Negros Occidental, with upgraded infrastructure generating ripple effects across shipping, transportation, retail, tourism and related sectors, reinforcing the province’s position as a vibrant economic hub,” ayon sa ulat.
“The Banago Port plays a crucial role in passenger transportation, Roll-on/Roll-off (RoRo) services, and the shipment of vital goods such as sugar, rice and corn that support the local and regional economies,” ayon pa rin sa ulat sabay sabing It also facilitates easier access to nearby tourist destinations, including Mambukal Resort and Wildlife Sanctuary, Patag in Silay City, and Lakawon Island.” Kris Jose
