MANILA, Philippines – Pinangunahan ng Estados Unidos ang panawagan sa UN climate talks nitong Sabado, Disyembre 2, upang bawasan ang methane emissions, kasabay ng pagsusulong ng nuclear energy upang labanan ang global warming.
Kontrobersyal ang usapin ng paggamit ng nuclear power dahil umano sa banta ng kaligtasan at pagtatapon ng nuclear waste.
Kasama ng US ang mahigit 20 bansa, katulad ng Ghana, Japan at ilang bansa sa Europe na nagsabing ang nuclear power ay mayroong “key role” sa layunin ng mundo na maabot ang carbon neutrality sa mga susunod na taon.
Nanawagan sila na triplehin ang nuclear energy capacity ng 2050 mula sa 2020 levels.
“We are not making the argument to anybody that this is absolutely going to be a sweeping alternative to every other energy source,” sinabi ni US climate envoy John Kerry sa COP28 conference sa Dubai.
“But we know because (of) the science and the reality of facts… that you can’t get to net zero 2050 without some nuclear,” dagdag pa niya.
Kabilang din sa iba pang signatories ang Britain, France, South Korea, Ukraine at United Arab Emirates.
Hindi naman pumirma ang Russia at China na kilala sa nuclear power.
“I want to reiterate that nuclear energy is clean energy. It must be repeated,” ani French President Emmanuel Macron.
Sa kabila nito, sinabi ng environmental group 350.org na patunay ang 2011 Fukushima nuclear disaster sa Japan sa banta ng atomic power.
“While we appreciate that the Biden administration is looking to invest in alternatives to fossil fuels, we don’t have time to waste on dangerous distractions like nuclear energy,” pahayag ni North American director Jeff Ordower.
“Nuclear energy takes much longer than renewable energy to be operational,” dagdag pa ng 350.org. RNT/JGC
