MANILA, Philippines – Kinumpirma ng United States Department of State na bibisita sa Pilipinas si US Secretary of State Marco Rubio mula Hulyo 19 hanggang 23 upang dumalo sa mga pagpupulong ng Association of Southeast Asian Nations (ASEAN).
Ayon sa State Department, layunin ng pagbisita na palakasin ang ugnayan ng US at ASEAN, gayundin ang komprehensibong pakikipagpartnership ng Amerika sa Pilipinas.
Dadaluhan ni Rubio ang ASEAN Post-Ministerial Conference, East Asia Summit Foreign Ministers’ Meeting, at ASEAN Regional Forum Foreign Ministers’ Meeting.
Makikipagpulong din siya sa mga matataas na opisyal ng mga bansang nasa Indo-Pacific.
Si Rubio ay kabilang sa mga foreign minister na dadalo sa mga ministerial meeting na iho-host ng Pilipinas bilang kasalukuyang tagapangulo ng ASEAN. RNT/MDS
