MANILA, Philippines – Handa si Vice President Sara Duterte na humarap sa impeachment trial ng Senado sa paparating na 20th Congress.
“Sinabihan ko na rin talaga sila, really, I truly want a trial because I want a bloodbath talaga,” ani Duterte sa isang media briefing sa Davao City.
Binalaan naman ni Duterte ang mga nagbibigay ng kuro-kuro tungkol sa resulta ng trial na magsisimula pa lamang sa Hulyo 30.
“They haven’t seen evidence yet, they haven’t seen what the prosecutors have, and they haven’t seen what our defense is. Mali siguro na magbilangan ng boto na walang trial,” aniya.
“Whether guilty man ‘yon or acquittal, I’m already at peace,” dagdag ni Duterte. RNT/JGC
