MANILA, Philippines – Nakahandang humarap si Vice President Sara Duterte sa preliminary investigation ng Department of Justice tungkol sa reklamo na isinampa laban sa kanya ng National Bureau of Investigation (NBI) ukol sa kanyang diumano’y kill remark laban kay President Ferdinand “Bongbong” Marcos Jr.
Kinumpirma ni Duterte ito matapos makatanggap ng summons mula sa Office of the Prosecutor.
Sinabi niya na tapos na ang kanyang counter-affidavit at pupunta siya sa imbestigasyon na nakatakda sa Mayo 9 at 16.
Isinampa ng NBI ang reklamo matapos umanong magbigay si Duterte ng utos na patayin sina Marcos, First Lady Liza Araneta-Marcos, at Speaker Martin Romualdez kung magtagumpay ang isang balak laban sa kanya.
Tinatanggi ni Duterte na banta ito, sinabing ito ay inalis sa konteksto, at nanindigan sa kanyang sinabi. RNT
