MANILA, Philippines – Magpapatuloy pa ang water service interruptions para sa mga customer ng Maynilad sa ilang bahagi ng Cavite at Las Piñas hanggang Nobyembre 2.
Ang daily water service interruption ay naka-iskedyul mula alas-5 ng hapon hanggang alas-6 ng umaga.
Ayon sa Maynilad, papalitan nito ang 11 ultrafiltration membranes sa Putatan Water Treatment Plant 2 upang masiguro ang optimum filtration capacity.
“[This is] in preparation for the Amihan Season when increases in the turbidity level of the raw water of Laguna Lake typically occur,” paliwanag ng kompanya.
“The water service may remain uninterrupted during some days within the period, depending on the actual volume of water our treatment plants are able to produce despite the ongoing UF replacement,” dagdag pa niya.
Ang water service interruptions ay nagsimula noong Hunyo 28 at magtatapos na sana sa Agosto 8. RNT/JGC
