Witness sa impeachment trial ni VP Sara, ‘di takot sa confidentiality violations

MANILA, Philippines – Iginiit ng expert witness ng prosekusyon na si forensic financial analyst Atty. Alexander Cabrera ngayong Lunes, Oktubre 12, na hindi ito natatakot o nag-aalala sa paglabag sa confidentiality laws nang matanggap niya ang financial records ni Vice President Sara Duterte para suriin ito.

Ito ang idineklara ni Cabrera sa cross-examination ng defense counsel na si Atty. Kristine Ferrer, na binanggit ang confidentiality provisions ng Anti-Money Laundering Act (AMLA), Bank Secrecy Law, at National Internal Revenue Code (NIRC).

“When you received these subpoenaed documents, did it ever occur to you that you or the person who provided the documents – the bank officers, the AMLC (Anti-Money Laundering Council) officers, or the BIR (Bureau of Internal Revenue) officers – may be violating confidentiality laws?” tanong ni Ferrer.

“Wala po akong concern doon. Ang concern ko lang po ay matanggap po yung documents from the prosecution. Wala po akong concern outside of that po,” sagot naman ni Cabrera.

Tinukoy ni Ferrer ang Section 8A ng Republic Act 9160, o AMLA, na nagbabawal sa mga opisyal at staff ng AMLC sa pagbunyag sa anumang paraan ng impormasyon na nababatid ng kanilang opisina.

Binanggit din nito ang Section 14C at 14D ng amended AMLA, patungkol naman sa mga penalty.

“I will no longer specify the penalties, but it includes imprisonment and a fine, but this is not meant to scare you,” giit ni Ferrer.

Dito sumagot si Cabrera ng, “I’m not scared naman po.”

“As a lawyer, you did not feel concerned about the furnishing of AMLC documents to you, and information also to you without the permission of the impeachment court may violate these provisions recited earlier?” tanong ulit ni Ferrer.

“Dahil natake up na po sa House, at dahil napagtalunan na po sa House, ang nasa isip ko ay, okay lang na tanggapin ko,” paliwanag naman ni Cabrera na tumutukoy sa hearing ng House justice panel sa impeachment complaints ni Duterte.

Bilang pagpapatuloy, sinabi rin ni Ferrer ang patungkol sa Section 2 ng Bank Secrecy kung saan sinasabing “all deposits of whatever nature with banks or banks investments… are hereby considered as of an absolutely confidential nature.”

“Having known this law, as a lawyer, you did not feel concerned also by the furnishing of copies of bank docs to you without the authority of the impeachment court?” pagtatanong ni Ferrer.

“Kaya hindi po ako concern kasi sa [RA] 3019 po na siya pong Sec 8 na nagsasabing yung acquisition of property na manifestly disproportionate sa income sinasabi po niya na bank deposits shall be taken into consideration,” sagot naman ni Cabrera.

Dito pinutol ni Ferrer si Cabrera ang muling tinanong ang patungkol sa Section 270 ng NIRC, na nagbabawal sa mga tauhan ng BIR sa pagbunyag ng anumang confidential information mula sa taxpayers, kabilang ang taxpayers’ business, income, at estate, at iba pa.

“Hindi ko po problema maging concerned po doon eh. Tatanggapin ko lang po yung document at akin pong i-examine at bibigyan po ng analysis,” muling paggiit ni Cabrera. RNT/JGC