MANILA, Philippines – Inaabangan na ng OPM fans ang dalawang araw na selebrasyon ng musikang Pinoy, kultura at pagiging malikhain!
Ipinakilala kasi kamakailan ng iMe Philippines ang Wonderful Moments Music Festival, ang kauna-unahang music festival sa Metro Manila na gaganapin sa December 6-7, 2025 sa SMDC Festival Grounds sa Paranaque City.
Tampok sa naturang music festival ang mga malalaking pangalan sa OPM at PPOP, powerful na performances, world-class production at immersive fan experience.
Kaabang-abang na ang lineup sa dalawang araw na music festival. Sa Day 1, magtatanghal sina Ely Buendia, Sarah Geronimo, Gloc-9, Parokya ni Edgar, Kamikazee, Over October, Amiel Sol, Earl Agustin, at Denise Julia.
Aabangan naman sa Day 2 ang BINI, Cup of Joe, Bamboo, Dionela, Arthur Nery, Adie, ALAMAT, at Mika Salamanca at Brent Manalo.
“Our mission is to create a truly extraordinary music experience that brings fans and artists together through the power of live performance. With an exceptional lineup, this festival will be a landmark celebration of OPM,” pahayag ng iMe Philippines.
Mabibili na ang mga ticket para sa Wonderful Moments Music Festival sa SM Tickets Online at SM Ticket outlets sa lahat ng SM Malls sa buong bansa.
