MANILA, Philippines – Nagpahayag ng suporta si House Speaker Ferdinand Martin Romualdez nitong Sabado, Setyembre 14 kaugnay sa “zero-billing” initiative in Pangulong Ferdinand Marcos Jr., o isang healthcare program na nag-aalok ng libreng medical services sa 22 pampublikong ospital sa buong bansa.
Ang programa ay inilunsad kasabay ng ika-67 kaarawan ng Pangulo nitong Biyernes, na isang mahalagang hakbang para sa mas accessible na healthcare sa lahat ng mga Filipino.
“The zero-billing program reflects the President’s unwavering commitment to ensuring that no Filipino is left behind in receiving medical care,” ani Romualdez.
Sakop ng inisyatibo, na popondohan ng Department of Health (DOH) ng P328 milyong alokasyon, ang inpatient, outpatient, at emergency services, kasama ang mga gamot, chemotherapy, dialysis, dental services, at laboratory procedures sa mga ospital sa bansa.
“This program relieves Filipinos, especially those in vulnerable communities, from the burden of costly medical services,” ayon pa sa Speaker.
Ang inisyatibo ay ipatutupad sa walong major hospitals sa National Capital Region, kabilang ang National Kidney and Transplant Institute at Philippine General Hospital, maging ang 14 pang ospital sa Luzon, Visayas at Mindanao.
“This broad coverage shows the administration’s genuine concern for the health and welfare of Filipinos in every region,” dagdag pa ni Romualdez.
“As we celebrate the President’s birthday, we also celebrate his leadership and deep care for the Filipino people.” RNT/JGC
