ILANG tulog na lang ay campaign period na kaya nagsimula na ring kumilos ang political forces sa iba’t ibang lugar sa bansa bilang paghahanda sa paparating na May 2025 mid-term elections.
Hindi biro ang sumabak sa mundo ng pulitika dahil kapag minalas ay siguradong magdudulot ng physical at emotional stress sa mga ‘di pinalad na kandidato dahil sa pagod at gastos.
Kaya masuwerte ang mga kandidatong ‘unopposed’ kapag dumarating ang halalan dahil menos gastos na milyones at pagod ay makakamtan ang ninanais na posisyon pagkatapos ng halalan.
Pero kung pagbabasehan ang kasaysayan, hindi kasing dali nang maglakad lang sa parke ang kandidato o politiko upang wala nang magiging kalaban o unopposed na ito sa election.
Halimbawa’y sa Navotas, sina Mayor John Rey Tiangco at kapatid na si Rep. Toby Tiangco na napababalitang walang kalaban muli sa May 9, 2025, ‘di biro ang laban na hinarap sa nagdaang mga election.
Sa nakaraang May 2022 election ay tinalo ni Mayor John Rey si RC Cruz samantalang ang amang si Gardi Cruz na kumandidato bilang representative ay ‘di pinalad laban kay Rep. Toby Tiangco.
Ang mga Tiangco na halos tatlong dekadang lingko- bayan ng Navotas ay tinangkang maalis sa puwesto sa mga nagdaang elections ng kilalang political clans ng Cruz, Bautista, Del Rosario at Javier.
Nguni’t sa kabila nang paulit ulit na pagsubok, lahat ay ‘di nagtagumpay, marahil ay nagsawa ang mga political rival – may huminto sa politika for good at ang iba’y lumipat sa ibang LGU para doon subukan ang political career.
Senyales kaya ito na walang kalaban na naman ang mga Tiangco come election 2025 katulad nang noo’y Mayors Oca Malapitan (Caloocan), Tito at Lenlen Oreta (Malabon) na naging unopposed din sa ilang election.
Wala akong matandaang naging unopposed na Metro mayor candidates sa nagdaang elections kundi sina Malapitan at mag-tiyuhing Oreta – at ngayo’y sa ika….th pagkakataon ang Tiangco brothers (sino man sa kanila ang sasabak sa pagka-alkalde ng Navotas) ay posibleng walang makakalaban sa May 9 election.
