MANILA, Philippines – Inatasan ng Senate impeachment court ang dalawang dating special disbursing officers (SDO) ng Office of the Vice President at Department of Education sa panahon ni Vice President Sara Duterte na tumestigo sa impeachment trial.
Ito ay matapos pagbigyan ng Senate impeachment court ang hiling ng prosecution panel para sa subpoena ad testificandum para kina dating OVP SDO Gina Acosta at ex-DepEd SDO Eduard Fajarda.
Ayon kay lead prosecutor Representative Gerville Luistro ng Batangas, inaasahan ang mga ito na tetestigo sa August 10-12 trial days.
Nauna nang tumestigo ang bank managers na sina Violeta Constantino at Nenita Camposano ng Landbank of the Philippines at sinabing sina Acosta at Fajarda ang payees ng confidential fund cheques na winithdraw bilang cash, at ang naturang malaking halaga ng cash witdrawals ay hindi pangkaraniwan. RNT/JGC
