2 kelot na galing sa sabungan, itinumba

MANILA, Philippines – Patay ang dalawang lalaki na pauwi na sana galing sa sabungan, sa pamamaril sa Tuburan, Cebu nitong Linggo, Nobyembre 24.

Ang krimen ay nangyari sa highway sa Barangay Mangga bandang alas-11 ng gabi.

Kinilala ang mga biktima na sina Arnold Amansing at Joey Atienza Tan-awon.

Sa inisyal na imbestigasyon, pauwi na sina Amansing at Tan-awon matapos lumahok sa sabong sa Tuburan Cebu Cockpit Arena.

Ang dalawa ay nakasakay sa magkahiwalay na motorsiklo, kung saan habang binabagtas ay highway ay sinundan ito ng isa pang motorsiklo.

Dito na nangyari ang pamamaril.

Samantala, sugatan naman ang isa sa mga drayber na kinilalang si Jecar Sebas Rosalejos.

Dinala sa ospital ang tatlong tinamaan ng bala, nguunit idineklarang dead on arrival sina Amansing at Tan-awon.

Nagpapatuloy ang imbestigasyon ng pulisya kaugnay sa motibo ng pamamaril. RNT/JGC