MANILA, Philippines- Idaraos sa Biyernes, Enero 24, ang oath-taking ng 3,962 examinees na nakapasa kamakailan sa 2024 Bar examinations.
Isasagawa ang oath-taking sa SMX Convention Center sa Pasay City na dadaluhan ng mga mahistrado ng Korte Suprema.
Bukod sa oath-taking, isasagawa rin ang signing sa Roll of Attorneys upang maging ganap na mga abogado.
Sinabi kamakailan ni 2024 Bar examinations committee Chair SC Associate Justice Mario V. Lopez na ang mga bagong abogado ang magaisilbing tagapagtaguyod ng hustosya at katotohanan.
“They will join the ranks of esteemed legal professionals who will shape society and champion the rights of the people.”
Ipinaalala rin ni Lopez sa mga bar passer na sumunod sa alituntunin na nasa “Clearance Procedures for the 2024 Successfull Bar Examinees” at sa “Oath-Taking and Roll Signing Ceremonies Protocol.” Teresa Tavares