MANILA, Philippines – Halos dalawa sa bawat tatlong Pilipino ang naniniwalang dapat pagdudahan ng Pilipinas ang China, batay sa second-quarter 2026 Tugon ng Masa survey ng OCTA Research.
Lumabas sa non-commissioned survey na 64 porsiyento ng mga respondent ang nagpahayag ng kawalan ng tiwala sa China, mas mataas sa 55 porsiyento noong Marso 2026.
Sa kabuuang bilang, 37 porsiyento ang nagsabing dapat “somewhat distrust” ng Pilipinas ang China, habang 27 porsiyento ang pumili ng “strongly distrust.”
Tanging 14 porsiyento ang nagpahayag ng tiwala sa China, habang 21 porsiyento ang hindi makapagpasya.
Isinagawa ng OCTA ang survey kasabay ng paggunita ng Pilipinas sa ika-10 anibersaryo ng 2016 Permanent Court of Arbitration ruling kaugnay ng West Philippine Sea.
“Trust toward China remained largely unchanged, declining only slightly to 14%, while the proportion of Filipinos who were undecided continued to fall. This suggests that more Filipinos are moving away from uncertainty and settling into a firmer—and increasingly distrustful—view of China,” pahayag ng OCTA Research.
Ayon sa grupo, posibleng nakaapekto sa opinyon ng publiko ang mas mataas na kamalayan tungkol sa mga pangyayari sa West Philippine Sea, bagaman hindi umano mapatutunayan ng survey ang direktang sanhi nito.
“The findings also suggest that Filipino public opinion is highly responsive to the information environment surrounding the West Philippine Sea. During the survey period, government transparency initiatives, civil society advocacy, and sustained media coverage collectively kept developments in the WPS at the forefront of national attention. While the survey cannot establish causality, the timing of the findings is consistent with the view that heightened public awareness of WPS developments may have contributed to the renewed increase in distrust toward China,” dagdag nito.
Batay sa heograpikal na lugar, pinakamataas ang kawalan ng tiwala sa China sa Balance Luzon sa 67 porsiyento, sinundan ng Visayas sa 63 porsiyento, Mindanao sa 62 porsiyento at National Capital Region sa 59 porsiyento.
“Although distrust is the dominant sentiment in all four areas, NCR records the highest proportion expressing strong trust at 13%, compared with only 1% in Balance Luzon, 2% in the Visayas, and 6% in Mindanao,” sinabi ng OCTA Research.
Laganap din ang kawalan ng tiwala sa iba’t ibang socioeconomic class—66 porsiyento sa Class ABC, 63 porsiyento sa Class D at 67 porsiyento sa Class E.
“The proportion unable to say whether the Philippines should trust or distrust China is highest among Class D at 23% and lowest among Class E at 17%,” ayon sa OCTA.
Sa mga pangkat ng edad, pinakamataas ang distrust sa mga edad 18 hanggang 24 sa 73 porsiyento. Umabot ito sa 70 porsiyento sa mga edad 65 hanggang 74 at 75 pataas, 69 porsiyento sa edad 55 hanggang 64, at 47 porsiyento sa edad 25 hanggang 34.
Naitala sa MIMAROPA ang pinakamataas na regional distrust rating sa 94 porsiyento, sinundan ng Caraga sa 88 porsiyento.
Umabot din sa 75 porsiyento ang distrust sa Ilocos Region at Eastern Visayas, 73 porsiyento sa Central Luzon, 72 porsiyento sa Western Visayas at 68 porsiyento sa Cagayan Valley.
Nakapagtala naman ng 67 porsiyento ang Zamboanga Peninsula, 65 porsiyento ang Negros Island Region, 64 porsiyento ang Davao Region, 54 porsiyento ang BARMM, 53 porsiyento ang Northern Mindanao at SOCCSKSARGEN, 52 porsiyento ang Cordillera Administrative Region, at 47 porsiyento ang Central Visayas.
“Notably, the proportion of respondents who cannot say whether they trust or distrust China is relatively high in several of these lower-distrust regions, including CAR (48%), Central Visayas (38%), and BARMM (32%), suggesting that lower distrust in these areas does not necessarily correspond to higher trust,” pahayag ng OCTA Research.
Nasa 63 porsiyento ang distrust sa mga respondent sa urban areas at 65 porsiyento sa rural areas. Parehong nakapagtala ang mga lalaki at babae ng 64 porsiyentong distrust.
“However, the composition of distrust differs by gender: strong distrust is higher among males (31%) than females (23%), while somewhat distrust is higher among females (41%) than males (33%),” sinabi ng OCTA Research.
Batay sa educational attainment, pinakamataas ang distrust sa mga respondent na walang pormal na edukasyon o elementary graduate sa 69 porsiyento, sinundan ng college o postgraduate sa 65 porsiyento, high school sa 63 porsiyento at vocational education sa 60 porsiyento.
“Respondents with vocational education also record the highest level of uncertainty, with 34% unable to say whether the Philippines should trust or distrust China,” ayon sa OCTA Research.
Isinagawa ang face-to-face survey mula Hulyo 4 hanggang 11, 2026 sa 1,200 adult respondents. Mayroon itong ±3 porsiyentong margin of error sa 95-percent confidence level at ±6 porsiyento para sa Metro Manila, Balance Luzon, Visayas at Mindanao. Dave Baluyot
