Pangako ni Niño sa naaksidente, waley pa rin!

Manila, Philippines – Kinakalampag ng isa sa mga biktima sa kinapaloobang aksidente si Niño Muhlach.

Nananawagan si Nicolas Villanueva kay Niño dahil sa ipinangako nitong tulong.

Through Facebook, sinisingil ni Nicolas ang aktor, na nangakong babayaran ang mga biktima ng aksidente.

Ani Nicolas, hindi pa din daw napapalitan ni Niño ang motorsiklo niyang nabangga ng bagong SUV nito.

Matatandaang naganap ang insidente noong August 23 ng kasalukuyang taon.

Isa si Nicolas sa mga nabiktima na personal pang binisita ni Niño sa ospital para tiyaking mabibigyan ito ng atensyon.

llang tindahan at isang motorsiklo ang nahagip ng SUV ni Niño sa Marcos Highway sa Antipolo City.

Inamin naman ng aktor na nakatulog siya habang nagmamaneho.

Feeling ni Nicolas, binabalewala siya ni Niño, gayong ilang linggo na daw ang nagdaan.

Hindi pa din siya muling nakakapagtrabaho dahil sa kawalan ng nadisgrasyang motorsiklo niya.

Paging Onin… Ronnie Carrasco III