MANILA, Philippines -TINITINGNAN ng gobyerno ng Pilipinas ang United Arab Emirates (UAE) para palawakin ang overseas presence ng locally produced coconuts.
Sa isang kalatas, sinabi ni Philippine Council for Agriculture and Fisheries (PCAF), na pinulong kamakailan ng National Sectoral Committee on Coconut ang mga kinauukulang ahensiya ng gobyerno at private sector-partners para galugarin ang Middle East market opportunities para sa local coconut products sa pamamgitan ng Project Coco Bridge.
“Its goal is to move Philippine coconut products from export potential to actual commercial and retail presence in the UAE,” ayon kay Michael Sollera, Philippine Agriculture Attaché for the Middle East, Africa and India.
Sa nasabing pulong, isang panukala ang tinalakay para gamitin ang Coconut Farmers and Industry Development Plan (CFIDP), isang industry blueprint na pinondohan ng coco levy fund para muling pasiglahin ang coconut industry ng bansa.
Gayunman, sinabi ng Philippine Coconut Authority (PCA) na ang government accounting regulations at fund limitations ay dapat na rebisahin bago pa ilaan ang pondo para sa proyektong ito.
Ang Project Coco Bridge ay isang inisyatiba ng Philippine Trade and Investment Center sa Dubai, katuwang ang Hub Trading and Logistic Services at Office of the Agricultural Attaché for the Middle East, Africa at India ng Department of Agriculture (DA).
Layon nito na i-assess ang export readiness ng coconut products sa iba’t ibang lugar sa Cooperation Council region habang tinutugunan ang iba’t ibang trade barriers.
Kabilang dito ang “buyer access, production capacity, packaging, labeling at regulatory compliance.”
In-adopt ng proyekto ang three-phase structure. Ito’y ang “market readiness diagnostic, business matching, at retail activation at consumer engagement.”
Sinabi ng PCAF na nakatanggap na ng tulong ang ilang nagpartisipang mga enterprises sa pamamagitan ng CFIDP. Gayunman, naisiwalat sa assessment na ang PCA and Department of Trade and Industry (DTI) ay dapat na nakaayon at maliwanag ang tiyak na suporta na ibibigay nito sa proyekto.
Para naman kay Hub Managing Director Lito German, ang kompanya ay responsable para sa pag-assess ng distribution channels sa UAE modern trade, traditional retail outlets, food service, at e-commerce platforms gaya ng Amazon.
“The project prioritizes small and medium enterprises to help assess and build their capacity to meet global standards,” ayon kay German.
Ang mga produkto na kinokonsidera ay coconut sugar, jam, oil, milk, cream, juices, snacks, nata de coco, desiccated coconut, vinegar at protein bars.
“The project’s succeeding phase will explore additional products based on UAE market demand and assess whether our Filipino producers can supply them,” aniya pa rin. KRIS JOSE
