Ang estudyante ay nagpapagaling na ngunit nasa ilalim pa rin ng Intensive Care Unit (ICU).

“We are grateful to share the encouraging news that, based on the latest medical assessment, the learner is now out of danger and continues to show positive progress under the close supervision of the attending healthcare team,” sinabi ng DepEd.

Hindi naman pinangalanan ng DepEd ang naturang estudyante na kabilang sa mga nasaktan nang walang habas na namaril ang dalawang estudyante sa San Jose National High School sa Tacloban City, Leyte na kumitil sa buhay ng tatlong indibidwal.

“The learner, who sustained a gunshot wound to the neck, remains under close medical care in the Intensive Care Unit (ICU) of Tacloban ACE Medical Center and is currently recovering,” sinabi ng DepEd. RNT/JGC

The post Isa sa estudyanteng kritikal sa Tacloban shooting ‘now out of danger’ – DepEd first appeared on Remate Online.

Kinilala ni Las Piñas City police chief P/Col. Ricky Neron ang mga nadakip na suspek na sina alyas Israel, 49, Australian national; alyas Alberto, 58; alyas Lowie, 56; at isang alyas Jeffrey, 38.

Isa pang suspek na kinilalang si alyas Art ay nakatakas na ngayon ay kasalukuyang tinutugis sa ikinasang police manhunt.

Ayon kay Neron, naganap ang pagdakip sa mga suspek dakong alas 8:30 ng umaga sa isang pribadong ari-arian na pagmamay-ari ng 91-taong-gulang na biktima sa Veraville Drive, Las Piñas City.

Base sa isinagawang imbestigasyon, dumating sa lugar ang mga suspek at binantaan ang stay-in na katiwala ng biktima kung saan inutusan itong lisanin nag bahay.

Nagbigay pa umano ang mga suspek sa caretaker ng biktima ng P10,000 bilang kanyang pamasahe at pwersahan itong pinapaalis sa lugar.

Sinunod naman ng nabanggit na caretaker ang utos sa kanya ng mga suspek subalit dumiretso ito sa kanyang amo na siya namang inutusan ang kanyang awtorisadong representante na magsumbong sa pulisya at magsampa ng reklamo laban sa mga suspek.

Agad namang nagtungo ang mga tauhan ng Pamplona Substation sa nabanggit na ari-arian kung saan inabutan nila ang mga suspek na inookupa ang ari-arian na walang pahintulot sa may-ari.

Nagkaroon naman ng pag-uusap sa pagitan ng mga rumespondeng kapulisan at mga suspek na lisanin ng huli ang lugar ngunit nagmatigas ang mga ito na nagresulta ng kanilang pagkakaaresto.

Kasalukuyang nakapiit sa Las Piñas City police custodial facility ang mga suspek na nahaharap sa mga kasong grave coercion sa ilalim ng Article 286 at resistance and disobedience to a person in authority or its agents na nakapailalim naman sa Article 151 ng Revised Penal Code sa Las Piñas City Prosecutor’s Office. James I. Catapusan

The post Australian national, 3 iba pa timbog sa ilegal na pag-okupa ng ari-arian sa Las Piñas first appeared on Remate Online.

Ito ay napag-alaman kay Pasay City police chief P/Col. Joselito De Sesto na nagsabing kanilang tinitiyak ang mapayapa at maayos na pagsasagawa ng naturang pagtitipon na nananawgan ng accountability at reporma sa gobyerno.

Ayon kay De Sesto, itatalaga niya ang kanyang mga tauhan sa mga lugar na maaaring pagmulan ng panggugulo upang mapanatili ang katahimikan at kaayusan, masiguro ang seguridad ng publiko, gayundin ang pananatili ng maayos na daloy ng trapiko.

Pinaalalahanan din ni De Sesto ang kanyang mga opisyal na pagpapatupad ng maximum tolerance, pagiging propesyunal, at pagrespeto sa human rights habang pinangangalagaan ang karapatang konstitusyonal ng mga Pilipino sa pagsasagawa ng tahimik na pagtitipon sa paglalabas ng kanilang pananaw.

Dagdag pa ni De Sesto, ang pagdaragdag ng police visibility, real-time monitoring, at pagbuo ng specialized response teams ay nakatakda ring ipapatupad upang magbigaya ng proteksyon sa mga magsisidalong motorista residente at general public.

Kaugnay nito ay inihayag naman ni SPD director P/Brig. Gen. Glenn Oliver Cinco ang kanyang pagtatalaga ng nasa 2,493 police personnel upang makatulong sa pagse-secure ng naturang pagtitipon.

Sinabi ni Cinco na ang deployment ng mga kapulisan ay para sa mga key security operations kabilang ang Senate of the Philippines, anti-criminality patrols, border control points, at observation posts.

Ani pa Cinco, ang nabanggit na operasyon ay isasagawa sa pakikipagkoordinasyon sa mga local government units (LGUs) at ka-partner na ahensya para masiguro ang episyenteng traffic management, emergency response gayundin ang public safety services.

Ayon pa kay Cinco, kabilang sa security measures ang pagpapaigting ng police visibility sa lugar, real-time monitoring sa pamamagitan ng CCTV systems at drone assets, pati na rin ang paglalagay sa posisyon ng mga specialized response teams na agad na makatutugon sa anumang hindi inaasahang pangyayari.

Nagbigay din ng garantiya si Cinco sa mga residente na ang lahat ng plano sa operasyon ay nakapokus lamang sa pagpapanatili ng kapayapaan, pagpigil sa anumang kriminal na aktibidad, at magkaroon ng ligtas na kapaligiran sa kabuuang pagsasagawa ng naturang pagtitipon. James I. Catapusan

The post Seguridad paiigtingin ng Pasay police, SPD sa White Ribbon March first appeared on Remate Online.

Sa isinumiteng sagot ng depensa, sinabi nitong protektado ng karapatan sa malayang pamamahayag ang mga naging pahayag ng Bise Presidente at wala umanong patunay na may plano siyang ipapatay sina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.

Pagpapakita rin ito ayon sa kampo ni VP Sara ng pagkontra sa mga polisiya ng administrasyong Marcos.

Sinasabing protektado ng Saligang Batas hindi lamang ang mga pahayag na magandang pakinggan kundi maging iyong nakasasakit, nakagugulat o nakababahala.

Sinasabi pa na walang naipakitang pruweba na may kinontratang assassin para patayin ang Pangulo, Unang Ginang at dating Speaker.

Binigyang diin ni VP Sara na walang pagbabanta dahil sinagot lamang niya ang tanong ng reporter ukol sa di umano’y operasyon laban sa pamilya Duterte.

Ukol naman sa alegasyon na hindi maipaliwanag na yaman ng mag-asawang Duterte lalo pa’t P30,000,000.00 lamang kanilang kita subalit tumaas ang kanilang net worth ng P80,000,000.00, na sinasabing hindi rin inilahad ni VP Sara sa kanyang Statement of Assets,. Liabilities, and Net Worth (SALN).

Ang tugon ni VP Sara ay walang ebidensiyang isinumite para patunayan ito. Hindi rin impeachable officer ang kanyang asawa at malinaw na isinama lamang ang kita nito sa kita ng bise-presidente para palobohin ang kanyang income at palabasing kaduda-duda ito kahit hindi naman.

Sa kabilang dako, sa alegasyon na may 6.7 bilyong piso ang transaksyon sa account ng mag-asawa Duterte mula 2007 hanggang 2024, aniya’y labag sa batas na isapubliko ang report na ito ng Anti-Money Laundering Council at hindi ito dapat ginagamit. Lalabanan aniya nila ito sa tamang panahon.

Pinabulaanan din ng kampo ni VP Sara ang alegasyon ng maling paggamit ng mahigit P600 milyong confidential funds, at iginiit na walang ebidensyang nagpapakitang napunta ang pondo sa personal na kapakinabangan ng Bise Presidente.

Samantala, hiniling ng kampo ni Duterte sa impeachment court na ibasura ang mga artikulo ng impeachment dahil umano sa kabiguang matugunan ang mga itinakdang rekisito ng Konstitusyon para sa isang impeachment proceeding. KRIS JOSE

The post Apat na articles of impeachment punto por puntong sinagot ng kampo ni VP Sara first appeared on Remate Online.

Anila, ang naiulat na nasaktan ay dahil sa nangyaring suntukan sa pagitan ng dalawang estudyante.

Ayon sa school principal na si Dr. Gerry Isip, walang nangyaring pananaksak at sinabing ang isa sa mga estudyante na nagkaroon ng head injury ay matapos matamaan ng relo ng isa pang estudyante sa nangyaring suntukan nitong Biyernes ng umaga, Hunyo 26.

“Wala pong stabbing incident na nangyari. Away bata lang po, natapat na pagsuntok ng isang bata, na may relo, yun ang nadaplisan, kaya dumugo ang ulo,” aniya.

Sinabi ni Isip na ang dalawang estudyante ay nasa maayos nang kondisyon at hindi rin naghain ng reklamo ang mga magulang.

“Okay naman po sila, pati ang mga magulang parehong wala naman pong reklamo. Nung nangyari yung incident, dinala namin agad sa hospital para malapatan ng paunang lunas,” dagdag pa.

“Wala pong nangyaring pagpapasara ng gate, kasi that time may klase eh, expected po talagang sarado ang gate. Kasi nga pagpasok ng bata ay alas sais, ang paglabas ay alas dose.”

Dahil dito ay hinimok ni Isip ang publik na beripikahin muna ang mga impormasyon bago ito i-share online.

“Sa ating mga magulang na nagpapakalat sa social media, mag-ingat po kayo kasi wala pong katotohanan at puro fake news lang po ang sinasabi ninyo. Sana alamin po muna ninyo kung may katotohanan ba yan o wala.”

“Okay naman po sila, magkasundo na nga po eh, nagngingitian na. Away bata lang po talaga,” pagpapatuloy ni Isip.

Siniguro naman ang mahigpit na seguridad sa paaralan.

“Mahigpit po ang ating security, kasama ang ating mga barangay at mga pulis hindi po tayo pinababayaan ng Station 6,” ani Isip. RNT/JGC

The post Pananaksak sa paaralan sa QC pinabulaanan first appeared on Remate Online.

In-update din ng Pangulo ang Philippines Public Financial Management (PFM) Reforms Roadmap 2024–2028.

“On this occasion, we reaffirm a simple but defining belief of this administration: Public funds belong to the people and must always be spent for their benefit,” ang sinabi ng Pangulo sa kanyang talumpati.

“The PFM Reforms Roadmap 2024-2028 Midterm Update gives us the framework to put this belief into action by strengthening the systems that ensure that every peso is carefully spent and accounted for,” aniya pa rin.

“The roadmap builds on the findings of the 2025 Public Expenditure and Financial Accountability Assessment, together with reports on how to make public financial management responsive to issues on climate, gender, disasters and children’s welfare,” ayon sa ulat.

Ito ay inendorso kay Pangulong Marcos ng mga pinuno ng Public Financial Management Committee ng executive branch, sa pangunguna ni Acting Budget Secretary Kim Robert de Leon.

Bahagi naman ng panel sina Economy, Planning and Development Secretary Arsenio Balisacan, Information and Communications Technology Secretary Henry Aguda, at Commission on Audit Chairperson Gamaliel Cordoba.

Inilunsad din ng Pangulo ang Department of Budget and Management’s Centralized Open Monitoring Platform for Appropriations and Spending Statistics, kung saan pinagsama ang budget at spending information sa nag-iisang searchable portal.

Pinagsama rin ang Information on the National Expenditure Program at General Appropriations Act sa isang user-friendly platform.

‘Many of our citizens see government budgets as complex, inaccessible, and removed from their daily lives. This should not be the case,” ayon kay Pangulong Marcos.

“We need to make government budget and spending easily accessible and understandable for any Filipino who has any interest, whatsoever, in finding out where their money is going,” ang sinabi ng Pangulo sa mga government finance at budget officials. KRIS JOSE

The post Gov’t budget spending gagawing transparent sa binuksang online platform first appeared on Remate Online.

Sa pahayag, sinabi ni LTFRB Chair Vigor Mendoza II na nagpapatuloy ang imbestigasyon upang matukoy ang pagkakakilanlan ng dalawang drayber at mga operator ng taxi na sangkot.

Siniguro rin na pananagutin ang mga ito sa pagpapahiya sa bansa.

“We will be coordinating with the Philippine National Police (PNP) to get all the necessary information that could lead to the identification of the taxi drivers involved. On the part of the LTFRB, we will be providing the information needed for the identification of the operators and eventually holding all of them accountable,” ani Mendoza.

Sa insidente report, sinabi na dalawang Thai models ang bumisita sa bansa para sa isang event noong Hunyo 13 at kumuha ng taxi.

Tumanggi umano ang taxi driver na gamitin ang metro at nakipag-areglo ng presyo saka pinahinto ang sasakyan at sinabing nasiraan sila.

Sa insidente ay nakipagsabwatan umano ang taxi driver sa isa pang taxi driver para nakawin ang isa sa mga cellphone ng Thai nationals.

“This is not acceptable. We assure the victims that we will exhaust all measures to hold these drivers accountable. And even their operators will not be spared,” sinabi ni Mendoza.

Ang imbestigasyon at parusa ng LTFRB ay hiwalay sa kriminal na reklamo mula sa PNP. RNT/JGC

The post Mga taxi drayber na nanaga, nagnakaw sa Thai models iniimbestigahan ng LTFRB first appeared on Remate Online.

Hindi na naisalba pa ng mga negosyante ang karamihan sa mga paninda rito.

Sa paunang ulat, nagsimula ang sunog sa ikalawang palapag ng mall alas-10 ng gabi at tuluyang naapula alas-3 ng madaling araw na ng Sabado.

Wala nang nagawa ang mga negosyante at tindera o tindero sa nasusunog nilang mga paninda dahil hindi na sila pinayagang pumasok sa gusali matapos silang tumakbo palabas ng mall.

Ayon sa isang negosyante, nag-aasikaso sila ng mga order nang may naamoy itong nasusunog na plastic.

Pagtingin aniya nito ay nakitang makapal na ang usok kaya agad-agad silang tumakbo na halos hindi na rin sila makalabas dahil sa kapal na ng usok at wala na silang nakikita.

Dahil sa kapal ng usok, kinailangang basagin ng mga bumbero ang salamin upang mas mabilis na makalabas ang usok.

Bukod dito ay gumamit din ng thermal scanner para matiyak na makita kung saan pa ang nasusunog na bahagi ng mall.

Wala namang nasaktan sa nasabing insidente.

Sinabi ni FSInsp. Ronald Lim, Station 1 Commander ng BFP Manila, na maliit na bahagi lamang ang nasunog at hindi ang buong mall kaya mga tatlong araw lamang ay balik operasyon na ang mall maliban sa pinagmulan ng sunog.

Magpapatuloy naman ang operasyon ng mall matapos ang isinagawang imbestigasyon. Jocelyn Tabangcura-Domenden

The post Bahagi ng 999 mall sa Divisoria, nasunog first appeared on Remate Online.

“Dapat yung pag-aralan na at i-regulate na rin yan. Ito actually concerted effort ito ng gobyerno at saka ng private sector, lalong-lalong na yung mga kabataan, yung mga magulang, ang eskwelahan, malaki ang magiging papel ng bawat isa,” ani Chua.

Nang tanungin kung ito na ang panahon para obligahin ang mga social media platform na kumuha ng prangkisa katulad ng mainstream media, tugon ni Chua:

“Panahon na. Dahil kung wala, nakikita natin… Dahil ito, hindi ang usapin dito, hindi lamang yung sa gobyerno. Ang usapin na rin dito, yung moralidad na naidudulot nito sa mga kabataan.”

Nilinaw niyan na “Hindi naman natin isu-suppress yung social media. Ang isu-suppress natin, yung laman.”

Itinuturo ni Chua ang pagkakadawit ng mga menor de edad sa mga karahasan ay dahil sa pagguho ng moral values.

“Dahil lahat naman itong mga values na ito, natututunan ito simula pagkabata. Pero kung ang nakikita natin mismo, yung mga matatanda, mga magulang natin, ang mga iniidolo, yung mga barumbado, mga wala na sa ayos, malala ang magiging problema natin. Dahil yung inaasahan natin na magturo sa mga anak natin, eh sila mismo ay mukhang hindi na rin nila alam kung ano ang tamang asal,” paliwanag pa ng mambabatas.

Sa kabila naman ng mga panawagan na pababain ang edad ng criminal responsibility kasunod ng mga shooting incident at stabbing incident sangkot ang mga estudyante, tutol dito si Chua.

“Sa akin po kasi, wala ‘tong kinalaman sa edad. Sa akin po, ang nagiging problema na po natin dito is yung ating moral values, yung ating moral compass,” dagdag pa niya.

Dahil dito ay nanawagan si Chua sa mga opisyal ng pamahalaan na maghinay-hinay sa mga aksyon at pahayag.

“Bilang mga leader, dapat medyo naghihinay-hinay rin kami. Dahil yung mga ganitong binibitawan naming pananalita, yung mga pagbabanta namin, yung mga nanonood dito, yung mga kabataan. So baka mamaya, ang akala ng mga kabataan ay tama at normal ang magmura, ang pumatay, ang magbanta,” ani Chua. RNT/JGC

The post Socia media regulation, franchise inihihirit ng solon first appeared on Remate Online.