MANILA, Philippines – Naharang ng Bureau of Immigration (BI) ang isang Chinese national na nasa red notice ng International Criminal Police Organization (Interpol).
Ayon sa BI, dumating sa Ninoy Aquino International Airport nitong Abril 12 ang 32-anyos na Chinese national na si Li Mingzhu. Si Li ay may Interpol red notice sa voice fishing fraud.
Ipinag-utos ng prosecutor’s office sa South Korea ang pag-aresto noong Abril 2023 dahil sa paglabag sa telecommunications laws.
“This case underscores the necessity of international cooperation in combating transnational crimes like voice phishing,” saad sa pahyag ni BI Commissioner Norman Tansingco.
Dahil dito ay kinailangang pabalikin si Li sa place of origin nitong Hong Kong. RNT/JGC
