MANILA, Philippines – Iniulat ng Department of Health (DOH) nitong Lunes ang bahagyang pagtaas ng kaso ng COVID-19 sa Lungsod Quezon mula 23 noong nakaraang panahon tungo sa 84 mula Hunyo 11 hanggang Hulyo 1.
Pero nilinaw ng DOH na mababa pa rin ang kabuuang bilang at karamihan ay banayad at ginamot bilang outpatient.
Ayon sa DOH, hindi dapat basta ibatay sa 265% na pagtaas ang interpretasyon dahil maliit lang ang aktuwal na bilang. Iniimbestigahan pa nila, kasama ang QCESD, ang mga kaso na naka-concentrate sa ilang lugar o health facilities. Posibleng nakaapekto rito ang malapit na pagkakadikit ng mga tao.
Sa kabuuan, 125 na ang kaso sa QC ngayong taon — 68% na mas mababa kumpara sa 389 noong 2025. Sa mga bagong kaso, 14% o 17 lamang ang naospital, 86% o 108 ay outpatient, at 70% ay gumaling na.
Sa buong bansa, bumaba rin nang malaki ang kaso: 719 lamang hanggang Hunyo 20, kumpara sa 3,579 noong nakaraang taon.
Dahil tag-ulan na, pinaalala ng DOH ang paghuhugas ng kamay at iba pang preventive measures para maiwasan ang mga sakit na W.I.L.D. — water-borne, influenza-like, leptospirosis, at dengue. Jocelyn Tabangcura-Domenden
