MANILA, Philippines – Nilinaw ng Department of Justice (DOJ) nitong Huwebes na wala pa itong natatanggap na extradition request mula sa Estados Unidos laban kay Apollo C. Quiboloy, founder ng Kingdom of Jesus Christ (KOJC).
“The DFA has not received any request. The DOJ could not have officially received the request as well,” ayon kay DOJ spokesperson Jose Dominic Clavano IV, bilang pagtanggi sa pahayag ni Ambassador Jose Manuel “Babe” Romualdez na naipadala na ang naturang kahilingan.
Ayon din kay Quiboloy’s lawyer Israelito Torreon, wala pa silang natatanggap na opisyal na dokumento.
Giit ng DOJ, hindi pa maaaring i-extradite si Quiboloy dahil mayroon siyang kinahaharap na kaso sa Pilipinas, kabilang ang qualified human trafficking na non-bailable at child abuse.
Naaresto si Quiboloy sa Davao City noong Setyembre 2024 at kasalukuyang nakapiit sa Pasig City Jail. Sa Amerika naman, nahaharap siya sa kasong child sex trafficking, fraud, coercion, at bulk cash smuggling. RNT
