MANILA, Philippines – Pinalaya ng Bureau of Corrections (BuCor) ang 2,950 persons deprived of liberty (PDLs) mula Abril 1 hanggang Hunyo 11, 2025, na nagdadala sa kabuuang bilang ng pinalaya sa ilalim ng administrasyong Marcos Jr. sa 23,579.
Ayon kay BuCor Chief Gregorio Pio Catapang Jr., naging posible ito dahil sa desisyon ng Korte Suprema na isama ang mga nahatulan sa karumal-dumal na krimen sa saklaw ng Good Conduct Time Allowance (RA 10592).
Binigyang-diin ni Catapang ang kahalagahan ng rehabilitasyon at reintegrasyon upang mapababa ang kaso ng paulit-ulit na krimen at mas mapaligtas ang mga komunidad. RNT
