Home NATIONWIDE Kahit tag-ulan na, 39 lugar tutustahin sa peligrosong damang-init

Kahit tag-ulan na, 39 lugar tutustahin sa peligrosong damang-init

MANILA, Philippines – Sa kabila ng pag-anunsyo ng pagsisimula ng tag-ulan ng Philippine Atmospheric, Geophysical and Astronomical Services Administration (PAGASA), 39 na lugar pa rin ang maaaring makaranas ng “peligrosong” heat index o damang-init ngayong Huwebes, Mayo 30.

Sinabi ng PAGASA na maaaring maranasan ang heat index na 47 degrees Celsius (°C) sa Aparri, Cagayan at Baler, Aurora, habang 46°C naman sa ISU Echague, Isabela at Casiguran, Aurora.

Ang Laoag City, Ilocos Norte; Tuguegarao City, Cagayan; Virac, Catanduanes; Guiuan, Silangang Samar; at Butuan City, Agusan Del Norte ay maaaring makaranas ng 45°C heat index.

Idinagdag ng PAGASA na ang Sinait, Ilocos Sur; Dagupan City, Pangasinan; MMSU, Batac, Ilocos Norte; Bacnotan, La Union; Sangley Point, Cavite; Catarman, Northern Samar; Catbalogan, Samar; at Tacloban City, Leyte ay maaaring may heat index na 44°C.

Samantala, maaaring maitala ang 43°C heat index sa Ambulong, Tanauan Batangas; Infanta, Quezon; Alabat, Quezon; Daet, Camarines Norte; CBSUA-Pili, Camarines Sur; Borongan, Eastern Samar; at Maasin, Southern Leyte.

Ninoy Aquino International Airport (NAIA) Pasay City, Metro Manila; Calapan, Oriental Mindoro; Masbate City, Masbate; Juban, Sorsogon; Roxas City, Capiz; Mambusao, Capiz; Iloilo City, Iloilo; Dumangas, Iloilo; Dumaguete City, Negros Oriental; Panglao International Airport, Bohol; Mactan International Airport, Cebu; Siquijor, Siquijor; VSU-Baybay, Leyte; Dipolog, Zamboanga Del Norte; at Cotabato City, Maguindanao ay maaaring may heat index na 42°C. RNT