MANILA, Philippines – Ibinahagi ni National Economic Development Authority (NEDA) Secretary Arsenio Balisacan nitong Martes, Hulyo 4, na magkakaroon ng Legislative Executive Development Advisory Council (LEDAC) meeting bago ang ikalawang State of the Nation Address (SONA) ni Pangulong Ferdinand Marcos Jr.
“Yes, we’ll have one before SONA,” sinabi ni Balisacan sa panayam ng GMA.
Samantala, sinabi naman ni Senate President Juan Miguel Zubiri na isinagawa ang pre-LEDAC meeting sa mga mambabatas nitong Lunes, Hulyo 3.
“Napag-usapan po dito ang mga priority measures na kailangang ipasa ng Senado at ng Kamara sa darating na Second Regular Session,” ani Zubiri.
Binanggit naman ng senador na ang pagpupulong ng Executive department ay gaganapin bukas, Hulyo 5.
Kabilang sa mga dumalo sa pre-LEDAC meeting ay sina Speaker Martin Romualdez, Senate President Pro Tempore Loren Legarda, Senator Sonny Angara, at House Majority Leader Mannix Dalipe. RNT/JGC
