Home OPINION MGA IPOKRITONG ‘MEDIA’

MGA IPOKRITONG ‘MEDIA’

ISKANDALOSO ang resulta ng ‘final press briefing’ ni US State Secretary Antony Blinken sa kanyang tanggapan noong Enero 16.

Katulad ng kanyang amo na si US President Joe ‘Dementia Joe’ Biden at sampu ng kanilang Gabinete, papalitan na sila ng administrasyon ni Donald Trump; binabasa ninyo ito, mga kabayan, si Trump na ang bagong pangulo ng Amerika.

At dahil palaging uhaw sa publisidad, nagpatawag ng ‘press con’ si Blinken na dinaluhan ng mayorya ng ‘US mainstream media’ upang marinig ang kanyang ‘story-telling-a-lie session’ patungkol sa kanya umanong mga ‘accomplishments’ bilang ‘Secretary of State’ ni Dementia Joe.

‘Yun nga lang, nasira ang “kamada” ni Blinken nang paulit-ulit na tanungin ni ‘independent journalist’ Sam Husseini kung bakit “wala” si Blinken sa ‘The Hague,’ ang tanggapan ng ‘International Criminal Court,’ upang litisin bilang isang ‘war criminal.’

Ang tanong ay hinggil sa todong pagsuporta ng ‘Biden administration’ at ni Blinken, mismo, sa patuloy na ‘genocide’ ng Israel laban sa mga Palestino sa nakaraang 2-taon.

Sa halip sumagot, pisikal na binitbit palabas ng mga armadong guwardiya si Husseini na patuloy pa ring isinisigaw ang kanyang mga tanong kay Blinken.

Pwersahan din na pinalabas si Max Blumenthal, editor ng ‘The Gray Zone,’ isang ‘indepedent media outlet’ sa Amerika. Hindi rin kasi masagot ni Blinken kung bakit suportado ng ‘Tadong Unidos ang 24-oras na pambobomba ng Israel sa mga Palestino.

Kung iskandaloso na ito, mas iskandaloso ang pananahimik ng kanilang mga kasamahan. Walang tumulong o pumalag. Wala man lang kumondena.

Kung sa ‘Pinas ito nangyari? Baka may banat pang ‘editorial’ laban sa ‘Pinas sa ‘The New York Times!’

Mga ipokrito.