MANILA, Philippines- Walang overseas Filipino workers na napahamak sa serye ng lindol na tumama sa Taiwan nitong Sabado ng umaga, ayon sa Philippine government.
Naitala ng Taiwan’s Central Weather Administration ang magnitude 6.1 na lindol ng alas-2:21 ng madaling araw nitong Sabado. Sinundan ito ng magnitude 5.8 na lindol ng alas-2:49 ng madaling araw.
“DMW MWOs (Migrant Workers Offices) and Overseas Workers Welfare Administration (OWWA) officers and personnel are working with Filipino communities and leaders, local authorities, and employers to ascertain the safety and status of OFWs,” pahayag ng Department of Migrant Workers.
Noong April 3, niyanig ng magnitude 7.2 na lindol ang Taiwan, ang pinakamalakas na lindol na tumama sa isla sa nakalipas na 25 taon, na kumitil sa 14 indibidwal. Apat na Pilipino ang sugatan sa pangyayari. RNT/SA
