MANILA, Philippines – Handa na ang Philippine National Police sa Calabarzon para sa inaasahang kilos-protesta na may kinalaman sa transport strike at Labor Day.
Ipinag-utos na ni Police Brigadier General Paul Kenneth Lucas, Police Region 4A (PRO-4A) director, sa lahat ng mga police chief sa Cavite, Laguna, Batangas, Rizal, at Quezon na imonitor ang mga isinasagawang transport strike sa pakikipag-ugnayan sa mga lokal na pamahalaan at iba pang ahensya ng pamahalaan para proteksyunan ang mga nagpoprotesta, mga commuter at public properties.
“In anticipation of any unforeseen circumstances or emergencies, we have also planned for a comprehensive emergency response to ensure prompt and effective assistance to anyone needing medical attention or other forms of assistance during the strike,” sinabi ni Lucas.
Ayon sa PIO, handa na ang PRO-4A Reactionary Standby Support Force para sa deployment at augmentation, kasama ang civil disturbance management units, para tumugon sa mga posibleng pagkaantala kasabay ng tigil-pasada.
Ngayong araw, Abril 29 ay nagsimula na ang three-day nationwide strike ng transport at labor groups na susundan ng kilos-protesta sa Mayo 1. RNT/JGC
