MANILA, Philippines – Isang bangkay na nasa decomposition stage ang nadiskubre sa loob ng bahay sa General Mariano Alvarez (GMA), Cavite.
Ayon sa report, kinilala ang biktima na si Ernesto Rosal, alyas Trixy, binata na nakatira sa ng B2 L53, Brgy Granados, ng nasabing bayan.
Batay sa ulat, bandang alas-8:10 kamakalawa ng hapon na nagrereklamo ang ilang residente dahil sa umano’y masangsang na amoy na nagmumula sa bahay ng biktima dahilan upang puntahan ng isang Barangay Kagawad at dito natagpuan ang naaagnas na katawan.
Napag alaman na dumaranas umano ang biktima ng matinding depresyon ayon sa mga kamag-anak nito at huling nakitang buhay ang biktima noong nakaraang Abril 19. MARGIE BAUTISTA
